Хамт олныхоо халуун дулаан уур амьсгал, хэрэглэгчдийнхээ талархал хүндлэл, урмын үгсэд улам бүр татагдаж өнөөдөрт хүрсэн. Энэ бол худалдааны зөвлөх надад ажлын байраа солих тухай бодол, өөр ажилд шилжих хүсэл огтхон ч байдаггүйн хамгийн том шалтгаан юм.
Бид цаашид чанартай бүтээгдэхүүн үйлдвэрлэж, дотооддоо үндэсний үйлдвэрлэлийн үнэ цэнийг тодотгож, гадаадын олон оронд бүтээгдэхүүнээ тогтмол нийлүүлж, цаашлаад улс орноо сурталчлан таниулсан үлгэр жишээ брэнд болно гэдэгт итгэж байна.
Хотын төвөөс биш, гэр хороолол дунд байх манай үйлдвэрээс худалдан авалт хийхийг зорин ирдэг үнэнч үйлчлүүлэгчдээсээ “Бүтээгдэхүүний сонголт арвин, чанар сайн, худалдааны ажилтануудын харилцаа эерэг, хандлага зөв” зэрэг байдал нь “Тод оймс”-ыг зорин ирэх шалтгаан болохыг сонсох нь хамгийн сайхан байдаг.